Deutsch | English | tlhIngan Hol

Cover Alice auf Klingonisch, deutsche Ausgabe

wej ben ta’puq mach mughta’DI’ tlhIngan Hol ghojmoHwI’ Lieven L. Litaer, noyqu’choH paqDaj. tera’ DIS 2019 van’a’ Hevta’, ’oHvaD DoyIchlan lut rorgh van’a’ ponglu’. Qapchu’mo’ ’oH, latlh paq mughnIS ghaH DaH ’e’ Qub!

Lewis Carroll lut rorgh »Alice’s Adventures in Wonderland« wIvmeH, Qatlhbe’ lut wIvmeH mIw. qaStaHvIS Hov leng: DISqa’vI’rIy, paqvam tIvqu’ HaSta much Sub’e’, Michael Burnham. NetflixDaq tlhIngan Hol mughbogh permeyDaq ’op mu’meyDaj lumughlu’mo’, vaj latlh mu’mey lumughnISlu’ ’e’ Qubba’ mughwI’Daj.

 

BurnhamvaD paq nob SoSDaj
(DSC ep. 1.06 Lethe) © CBS
Screenshot aus DSC mit klingonischen Untertiteln
lut 'ay' wejDIchDaq Alice paqvo' vay' rev Burnham. © CBS

„DaH Du’Hom ’IH pawmeH lojmIt mach veghlaH machmo’ porghDaj.“

(Hov leng: DISqa’vI’rIy, lut 1.03 "Context is for Kings")

latlh mughwI’vaD Qatlhqu’ je mughmeH Qu’; vaj yabDajDaq tlhIngan SuvwI’ rurmo’, batlh qaDvam lajqu’ tlhIngan Hol ghojmoHwI’ Lieven L. Litaer. mu’ qIDmey law’ ngaSmo’ lutvam, Qatlh mughmeH Qu’. ’ach DaH ’oH mughta’mo’, tlhIngan Hol mu’ qIDmey chu’ ngaS paqvam chu’. bIH yajmeH, tlhIngan Hol yajnISchu’qu’ laDwI’.

 

mughwI’ ’Internet juH yISuch

»Hujqu’ DuSaQvam!« jach QelIS.
»ngoDvammo’ ’oHvaD DuSaQ ponglu’,« ja’ ghI’van: »DuSaQmoHmo’.«

paq wa’DIch rur paqvam: cha’ Holmey ngaSmo’. wa’ DopDaq tlhIngan Hol mu’mey lucha’lu’, latlh DopDaq DIvI’ Hol, DoyIchlan Hol ghap ’agh paq. mIlloghmey chu’ ngaS je paq.

bertlham taymeyDaq jInmolvamvaD mu’mey chu’’e’ ’otHa’bogh matlh Delbogh De’ tu’lu’.

ngoDHommey

paq pong: QelIS boqHarmey – Alice im Wunderland auf Klingonisch
qonwI’: Lewis Carroll
mughwI’: Lieven L. Litaer
Se’vIr: Verlag in Farbe und Bunt
tenwal: 280 (ca.)
poH: 1. November 2021
ISBN: 978-3-95936-299-3
’aD: 125 x 190 mm

je’meH mIwmey

SevIr maljaDaq „in Farbe und Bunt“:
http://ifubshop.com/Alice

Internet ngevwI:

ngoDmey ghelbogh nuvpu’

chay’ paq pong qollu’?

„Alice in Wonderland“ qolmeH, loQ mu’meyvam rur paq pong: ’e-lIS ’In won-Der-lan.

DIvI’ Hol’e’? vaj vIlaDlaHbe’!

cha’ Holmey ngaS paqvam.tlhIngan Hol, DIvI’ Hol je (DoyIchlan Hol ghap) ngaS. tlhIngan Hol mu’mey mughchu’ mughbogh mu’mey.

qatlh mu’mey lumughlu’? qatlh lut tIQ ’anglu’be’?

tlhIngan lut mughchu’ mughbogh mu’mey. ngoDvammo’ lut laDlaHchu’ ghojwI’pu’.